Gürcüstanda H1N1 (“donuz qripi”) virusundan ölənlərin sayı 18-ə çatıb.
“Qafqazinfo” Gürcüstanın “Birinci kanal”ına istinadən xəbər verir ki, 41 yaşlı kişi Zuqdidi şəhər xəstəxanasında virusdan dünyasını dəyişib.
Həkimlərin sözlərinə görə, ikitərəfli pnevmoniya diaqnozu qoyulan kişi yanvarın 10-da xəstəxanaya yerləşdirilmişdi. Həkimlərin səyinə baxmayaraq, onun həyatını xilas etmək mümkün olmayıb.
Qeyd edilir ki, hazırda Zuqdidi xəstəxanasında 26 nəfər qrip diaqnozundan müalicə alır.