Hacı İbrahim vitse-prezidentin istefa xəbərindən danışdı
Qeyd olunurdu ki, Həsrət Əmrahlı bir müddət əvvəl işdən çıxıb. Birinci vitse- prezidentin işdən çıxmasına səbəb isə Hacı İbrahim Nehrəmli ilə aralarındakı pul mübahisəsi olduğu iddia edilirdi. Publika.Az-a açıqlamasında Hacı İbrahim məlumatı təkzib edib və onun şirkətində bu adda şəxsin çalışmadığını deyib.
O, “Xəzər adaları” (Khazar İslands) layihəsinin rəhbəri Hakan Özbekin işdən çıxmasına da münasibət bildirib.
Hacı İbrahim Publika.Az-a açıqlamasında deyib ki, H.Özbek işdən öz ərizəsi ilə çıxıb: “Mən onu işdən çıxarmamışam. Hakan özü çıxıb getdi. Dedi ki, səhhətimlə əlaqədar işləyə bilmirəm, ərizə yazıb işdən getdi”.
Tanınmış iş adamı layihə rəhbərinin dəyşməsinin layihənin icrasına heç bir maneə törətməyəcəyini də deyib.
Qeyd edək ki, Hakan Özbek eyni zamanda “Avesta” Konserninin İdarə Heyətinin sədri olub. Hacı İbrahim işdən çıxan şəxsin qeyri-ənənəvi islami cərəyanlara məxsusluğunu da inkar edib və bildirib ki, ümumən insanların şəxsi etiqad azadlığına qarışmır.
Son Xəbərlər
- 1
- 2
- 3
- 4
- 5
- 6
