Həbsdəki məmurun vəziyyəti ağırlaşdı

Həbsdəki məmurun vəziyyəti ağırlaşdı
Oxunma sayı: 5527

Rabitə və Yüksək Texnologiyalar Nazirliyinin (RYTN) sabiq Aparat rəhbəri, hazırda həbsdə olan Vidadi Zeynalov Müalicə Müəssisəsinə köçürülüb.

“Qafqazinfo” Musavat.com-a istinadən xəbər verir ki, buna səbəb V.Zeynalovun səhhətinin pisləşməsi göstərilir.

1 saylı Cəzaçəkmə Müəssisəsindən Penitensiar Xidmətin Müalicə Müəssisəsinə köçürülən V.Zeynalov müalicə alır.

Qeyd edək ki, 2015-ci ilin noyabr ayının 13-də həbs edilib. Bakı Ağır Cinayətlər Məhkəməsinin hökmü ilə 13 il müddətinə azadlıqdan məhrum edilib.

İttihama görə, Vidadi Zeynalov da daxil olmaqla, məhkəmə qarşısına çıxarılan 11 nəfər ümumilikdə 153 milyon 143 min manatlıq mənimsəmə və israf etmədə təqsirli bilinirlər. Cinayət işinin materiallarında yazılıb ki, nazirliyin tabeliyində olan strukturların təmir-tikintisinə, avadanlıqların alınmasına sərf olunmuş məbləğlər şişirdilib, tenderlər formal keçirilib, layihələrin icrası rəhbərliyə yaxın şirkətlərə həvalə olunub.


Daha tez məlumatlanmaq üçün yeni Facebook səhifəmizi