“Qafqazinfo”nun məlumatına görə, bunu iyunun 23-də Ermənistan xarici işlər naziri Eduard Nalbandyan rusiyalı həmkarı Sergey Lavrovla keçirdiyi mətbuat konfransında deyib.
Onun bildirdiyinə görə, Fransa prezidenti Fransua Olland regiona səfəri zamanı konkret ideya irəli sürüb. O cümlədən, Parisdə Ermənistan və Azərbaycan prezidentləri arasında görüşün təşkilli haqqında təklif səsləndirib: “Ola bilər ki, bu konkretlik Bakının tam ürəyincə deyil”.
Rusiyanın xarici işlər naziri Sergey Lavrov deyib ki, Rusiya böhranın həllini yaxınlaşdıracaq istənilən səyləri dəstəkləyir:
“Fransalı tərəfdaşlarımızın yüksək səviyyədə razılaşdırılmış prinsipləri təcrübi dilə çevirməyə imkan verəcək ideyalarını Rusiya dəstəkləyir”.
Lavrovun fikrincə, istənilən halda Ermənistan və Azərbaycan prezidentlərinin görüşü nə qədər müntəzəm olsa, danışıqlar prosesi o qədər çox dinamik olacaq.