Həsən Əliyevə həsr olunmuş monoqrafiyanın təqdimatı keçirildi

Həsən Əliyevə həsr olunmuş monoqrafiyanın təqdimatı keçirildi
Oxunma sayı: 502

Bu gün Azərbaycan Dövlət Aqrar Universitetində əməkdar elm xadimi, akademik Həsən Əliyevin 110 illik yubileyi ilə əlaqədar yenicə çapdan çıxmış “Akademik HƏSƏN ƏLİYEV Azərbaycan Dövlət Aqrar Universitetinin məzunudur” adlı monoqrafiyanın təqdimat mərasimi keçirilib.

“Qafqazinfo” xəbər verir ki, ADAU-nun rektoru, AMEA-nın müxbir üzvü professor İbrahim Cəfərovun müəllifliyi və Universitet Elmi Şurasının qərarı əsasında nəşr olunan kitabda Həsən Əliyevin həyat  və yaradıcılığı, 110 illik yubileyi ilə bağlı həyata keçirilən tədbirlər, xatirələr öz əksinin tapıb. 

Həsən Əliyevin məzunu olduğu aqronomluq fakültəsinin tədris korpusunda keçirilən mərasimi giriş sözü ilə ADAU-nun rektoru, AMEA-nın müxbir üzvü professor İbrahim Cəfərov açaraq görkəmli alimin həyatı və elmi axtarışları, eləcədə Azərbaycan təbiətinin qorunması ilə bağlı fəaliyyətindən danışıb.

Tədbirdə Aqronomluq fakültəsinin Ekologiya mühəndisliyi və meşəçilik kafedrasının müdiri, professor Zakir İbrahimov, universitetin tədris şöbəsinin müdiri, kitabın redaktoru, dosent Nüsrət Hüseynov, Biologiya kafedrasının müdiri, professor Zaur Hümbətov, GDU-nun prorektoru Gülsüm Fətəliyeva çıxış edərək akademik Həsən Əliyevin 110 illik yubileyinə həsr olunan  bu kitabın ərsəyə gəlməsinə görə müəllifə təşəkkürlərini bildirib, alimin keçdiyi mənalı həyat yolu və elmi yaradıcılığının gənc nəsil üçün örnək olacağını söyləyiblər. 




Daha tez məlumatlanmaq üçün yeni Facebook səhifəmizi