Horadiz əməliyyatına həsr olunmuş tədbir keçirildi - - Fotolar

horadiz-emeliyyatina-hesr-olunmus-tedbir-kecirildi-
Oxunma sayı: 1864


 “Qafqazinfo” ya daxil olan məlumata görə, bu münasibətlə Horadiz şəhərində rayonun idarə, müəssisə, hüquq mühafizə orqanlarının rəhbərləri, ərazidəki icra nümayəndələri, bələdiyyə sədrləri və ictimaiyyət nümayəndələrinin iştirakı ilə tədbir keçirilib.

Tədbiri Füzuli rayon İcra Hakimiyyətinin başçısı Alı Alıyev açaraq Horadiz əməliyyatının əhəmiyyətindən danışıb. 

Bildirib ki, 1993-cü ilin oktyabr ayında tam işğala məruz qalan Füzuli rayonunun 22 yaşayış məntəqəsi ulu öndər Heydər Əliyevin qətiyyəti, böyük sərkərdəlik məharəti, döyüş bölgəsinə gedərək orduda güclü ruh yüksəkliyi yaratması nəticəsində düşməndən azad edilib. Alı Alıyev qeyd edib ki, Horadiz əməliyyatı 1993-cü il dekabrından başlamış 6 yanvar tarixinə kimi davam edib. Həmin vaxt Sarkisyanın əmri ilə dekabrda ermənilərin Beyləqana hücumunun qarşısı alınmış və Milli ordumuz əks-hücuma keçərək qısa müddətdə Füzuli rayonunun böyük hissəni azad edib.

Digər çıxış edənlər Qarabağ müharibəsi tarixində Horadiz əməliyyatının xüsusi yeri olduğunu vurğulayıblar.