İçərişəhərdə “RUH” olacaq
Dekabrın 17-də İçərişəhərdə yerləşən “Müasir İncəsənət Mərkəzi”ndə gənc rəssam Ruhulla Həsənzadənin “Ruh” adlı fərdi sərgisi keçiriləcək. Sərgi boyu rəssamın bugünə qədər müxtəlif yerli və xarici sərgilərdə nümayiş olunmuş işləri və yeni əsərləri qonaqlara təqdim olunacaq.
"Qafqazinfo" xəbər verir ki, gənc rəssam insanların öz ruhlarına azadlıq verməyə, onu dinləməyə çağırır.
Əsərləri bir sıra yerli və xarici sərgilərdə nümayiş olunan rəssam Ruhulla Həsənzadə Azərbaycan Dövlət Rəssamlıq Akademiyasının təsviri sənət fakultəsinin rəngkarlıq ixtisası üzrə təhsil alıb. O, 2018-ci ildən etibarən Berlində yerləşən Avropa Təbii Elmlər Akademiyasının üzvüdür.
Ruhulla Həsənzadənin üç gün (17,18,19 dekabr) müddətində keçiriləcək “Ruh” adlı sərgisinə giriş sərbəstdir.
Son Xəbərlər
- 1
- 2
- 3
- 4
- 5
- 6
