İcra başçısı xocalılarla görüşdü
Xocalı faciəsinin ildönümü ilə bağlı Nəsimi rayon İcra Hakimiyyəti tərəfindən rayon ərazisində məskunlaşmış Xocalı sakinlərinin Medical Plaza və Azərbaycan Tibb Universitetinin Tədris Terapevtik Klinikasında pulsuz tibbi müayinələri təşkil olunub.
İH-dən “Qafqazinfo”ya daxil olan xəbərə görə, həmçinin İcra Hakimiyyətində Xocalı köçkünləri ilə görüş keçirilib. Görüşdə çıxış edən icra başçısı Asif Əsgərov Azərbaycan xalqının qan yaddaşı olan Xocalı faciəsi, ermənilərin zaman-zaman xalqımıza qarşı törətdikləri vəhşiliklər və Xocalı soyqırımı ilə bağlı həqiqətlərin dünya ictimayiyyətinin nəzərinə çatdırılması üçün görülməsi vacib olan işlər barədə ətraflı məlumat verib.
Tədbirdə çıxış edənlər Xocalı rayon İcra Hakimiyyəti Başçısının müavini Vahid Əliyev, şəhid ailələri Sahibə İsmayılova və Ofeliya Məmmədova Xocalının azad olunacağı günü səbirsizliklə gözlədiklərini və bu günün tezliklə gələcəyinə əmin olduqlarını bildiriblər.
Tədbirin sonunda Asif Əsgərov Xocalı sakinlərini qəbul edib, onların qaldırdıqları məsələlərlə bağlı müvafiq izahatlar və aidiyyəti üzrə tapşırıqlar verib.
Sonra Nəsimi rayonunda məskunlaşmış Xocalı köçkunlərinə rayon İcra Hakimiyyəti tərəfindən yardımlar göstərilib.
Son Xəbərlər
- 1
- 2
- 3
- 4
- 5
- 6
