İcra Hakimiyyəti ağac kəsimi xəbərləri ilə bağlı aşardırma apardı

İcra Hakimiyyəti ağac kəsimi xəbərləri ilə bağlı aşardırma apardı
Oxunma sayı: 747

İyul 18-də mətbuatda yayılan Nizami rayonu, Tofiq Abbasov küçəsi 9 ünvanında tikinti şirkəti tərəfindən böyük ağacların məhv edilməsi məlumatı ilə əlaqədar Bakı şəhəri Nizami Rayon İcra Hakimiyyəti, Bakı şəhər İcra Hakimiyyəti Yaşıllaşdırma Təsərrüfatı Birliyi və Ekologiya və Təbii Sərvətlər Nazirliyinin əməkdaşları ilə birgə sözügedən ərazidə araşdırma aparılıb. 

“Qafqazinfo” xəbər verir ki, araşdırma zamanı “Orbita-İmperial” MTK tərəfindən dəmir lövhələrlə hasara alınmış ərazidə qanunsuz ağac kəsilməsi faktı aşkar olunmayıb.

Lakin ərazinin çöl hissəsində 15 iyul 2019-cu il tarixində güclü külək zamanı 1 ədəd tut ağacının kökündən əyilərək qaz xəttinin üzərinə aşması nəticəsində, həmin ağacın aidiyyəti üzrə Bakı şəhər İcra Hakimiyyəti Yaşıllaşdırma Təsərrüfatı Birliyinin əməkdaşları tərəfindən zərərsizləşdirilərək ərazidən götürülməsi faktı müəyyən edilib.

İcra Hakimiyyəti qeyd edir ki, Nizami rayonunda tikinti şirkəti tərəfindən böyük ağacların məhv edilməsi barədə məlumat öz təsdiqini tapmayıb.

 


Daha tez məlumatlanmaq üçün yeni Facebook səhifəmizi