İlham Əliyev Qətər əmiri ilə müavinini təbrik etdi

ilham-eliyev-qeter-emiri-ile-muavinini-tebrik-etdi
Oxunma sayı: 843

Prezident İlham Əliyev Qətər əmiri Təmim bin Həməd Al Taniyə təbrik məktubu ünvanlayıb.

“Qafqazinfo”nun məlumatına görə, təbrikdə deyilir:

“Əlahəzrət, Qətər Dövlətinin milli bayramı münasibətilə Sizə və Sizin simanızda bütün xalqınıza öz adımdan və Azərbaycan xalqı adından ən səmimi təbriklərimi yetirirəm.

İnanıram ki, Azərbaycan ilə Qətər arasındakı dostluq və əməkdaşlıq münasibətlərinin inkişafı daim xalqlarımızın mənafelərinə xidmət edəcəkdir. Bu bayram günündə Sizə möhkəm cansağlığı və xoşbəxtlik, dost Qətər xalqına sülh və rifah diləyirəm”.

Dövlət başçısı eyni zamanda Qətər əmirinin müavini Abdullah bin Həməd Al Taniyə təbrik məktubu göndərib.

Təbrik mətnində deyilir: “Əlahəzrət, Qətər Dövlətinin milli bayramı münasibətilə Sizi və xalqınızı ürəkdən təbrik edirəm. Bu xoş gündə Sizə möhkəm cansağlığı və xoşbəxtlik, dost Qətər xalqına daim əmin-amanlıq və firavanlıq arzulayıram”.