İndi də “Galaxy Note 8”də problem aşkar edildi

İndi də “Galaxy Note 8”də problem aşkar edildi
Oxunma sayı: 1301

Qabaqcıl “Galaxy Note 8” smartfonunun istifadəçiləri qurğuda akkumulyatorla bağlı problem aşkar ediblər. Məlum olub ki, bəzi istifadəçilərdə cihazın şarjı 0%-ə düşdükdə daha enerji toplamır.

“Qafqazinfo” ICTnews-a istinadən xəbər verir ki, “Galaxy Note 8” qurğusunun sahibləri bu problem haqda forumlarda məlumat veriblər.

Onların sözlərinə görə, smartfonun batareyası 0% olduqda aparat daha enerji toplamır. Qurğu enerji yükləmə kabelinin qoşulmasına reaksiya vermir və işə düşmür. Cənubi Koreya şirkətinin istehsalı olan smartfonun sahibləri müxtəlif enerji yükləmə qurğularından istifadə etsələr də, heç nə kömək etməyib.

“Samsung” artıq problemdən xəbərdardır, amma hələ ki istifadəçilərin şikayətinə reaksiya verməyib. Həmçinin sözügedən problemin kütləvi hal olub-olmaması məlum deyil.

Xatırladaq ki, “Note” istehsal xəttinin əvvəlki modeli ilə bağlı, həmçinin problem yaşanmışdı. O vaxt “Galaxy Note 7”nin sahibləri öz-özünə alışan batareya haqda məlumat vermişdilər.


Daha tez məlumatlanmaq üçün yeni Facebook səhifəmizi