Liviya insan alverçilərinin əsir götürdüyü 200-yə yaxın əsir düşərgədən qaçarkən gülləbaran edilib.
“Qafqazinfo” “Dünya bülleteni”nə istinadən xəbər verir ki, hadisə paytaxt Trablusa 180 km məsafədə yerləşən Bəni-Vəlid qəsəbəsində baş verib.
BMT-nin Qaçqınlar üzrə Ali Komissarlığının sözcüsü Uilyam Splinder Eritreya, Efiopiya və Somali əsilli əsirlərdən 12-sinin öldürüldüyünü açıqlayıb. 140 nəfər isə sağ qalmağı bacarıb. Onların arasında uşaqlar da var.
Düşərgədən qaçmağı bacaran əsirlər bildiriblər ki, 3 ildir orada müxtəlif işgəncələrə məruz qalıblar.