İran xalqından yüksək fəallıq, seçkinin vaxtı uzadıldı - Fotolar
İranda ötən gündən başlayan seçkilərdə xalqın yüksək fəallığı qeydə alınıb.
“Qafqazinfo” xəbər verir ki, İran hökuməti bunu nəzərə alaraq seçki məntəqələrinin iş vaxtını beş saat uzatmalı olub.
Qeyd edək ki, ilkin hesablamalara görə, hazırki prezident Həsən Ruhani 14,6 milyon səslə qalibdir. Onun əsas rəqibi İbrahim Rəisi isə 10,1 milyon səs toplayıb.
Rəisi səsvermə prosesinin gedişində qanun pozuntularının olmasına dair şikayət verib. O, Ruhani tərəfdarlarını seçki məntəqələrində təşviqat aparmaqda ittiham edib.
Xatırladaq ki, 2013-cü ildə prezident seçilərkən İranın beynəlxalq təcridinə son qoyacağına və azad cəmiyyət yaradacağına vəd vermişdi. İbrahim Rəisi isə heç bir güzəştə getməyən mühafizəkar kimi tanınır.
Son Xəbərlər
- 1
- 2
- 3
- 4
- 5
- 6
