İraqın qərbində Anbar əyalətində partlayış olub. Partlayışda azı 21 nəfər ölüb.
“Qafqazinfo” xəbər verir ki, bu barədə Sky News Arabia telekanalı məlumat yayıb. Terror Əl-Qaim şəhərində, Suriya sərhədi yaxınlığındakı nəzarət-keçid məntəqəsində baş verib.
Partlayıcı yüklənən avtomobil İraq hərbçilərinin yaxınlığında işə düşüb.
Ölkə ərazisində fəaliyyət göstərən heç bir qruplaşma məsuliyyəti öz üzərinə götürməyib.