“İRƏLİ” Xocalı faciəsi aksiyasına start verdi
“İRƏLİ” İctimai Birliyi sosial şəbəkələrdə erməni təcavüzkarlarının törətdiyi Xocalı faciəsi ilə bağlı aksiyalara start verib.
Təşkilatdan “Qafqazinfo”ya daxil olan xəbərə görə, aksiyaların keçirilməsində məqsəd bütöv Azərbaycanı parçalamaq arzusunda olan erməni təcavüzkarlarının xalqımızın başına gətirdiyi müsibəti dünya ictimaiyyətinə çatdırmaq, faciə haqqında məlumatsız olan insanları insanlığa qarşı törədilmiş cinayət haqqında məlumatlandırmaqdır. Birlikdən verilən məlumata görə, sosial şəbəkələrdə təsir qüvvəsi çox olan Twitter sosial şəbəkəsində aksiyaya çoxlu sayda gənc qoşulub. Aksiyanın 27 fevral tarixinə kimi davam etməsi nəzərdə tutulur.
Belə ki, aksiyaya qoşulmaq istəyən şəxslər, Twitter sosial şəbəkəsi üzərindən #justiceforKhojaly, #Azerbaijan, #ireli2018 hashtaglarından istifadə edərək müxtəlif növdə olan məlumatlandırıcı paylaşımlar etməklə Azərbaycan həqiqətlərini daha böyük auditoriyalara çatdırılmasına nail ola bilərlər.
Son Xəbərlər
- 1
- 2
- 3
- 4
- 5
- 6
