“İşğalçılara qarşı sanksiyalar tətbiq olunmalıdır” - Giorgi Tsereteli

isgalcilara-qarsi-sanksiyalar-tetbiq-olunmalidir
Oxunma sayı: 1042

Cənubi Qafqaz regionundakı mövcud münaqişələrlə bağlı vəziyyətdə irəliləyiş yoxdur. Bu isə təkcə region üçün deyil, Avropa üçün də ciddi təhlükə mənbəyidir.

“Qafqazinfo” “AzərTAC”a istinadən xəbər verir ki, bu sözləri ATƏT Parlament Assambleyasının sədri Giorgi Tsereteli bildirib.

ATƏT PA-nın sədri deyib:

“Bu gün Cənubi Qafqazın iki ölkəsinin – Gürcüstanın və Azərbaycanın ərazi bütövlüyü pozulub, torpaqları işğal olunub. Artıq neçə illərdir ki, bu münaqişələrin həlli istiqamətində aparılan danışıqlar nəticə vermir. Ona görə də hesab edirəm ki, işğalçılara qarşı ciddi tədbirlər görülməli, sanksiyalar tətbiq olunmalıdır”.

G.Tsereteli bu məsələni ATƏT xarici işlər nazirlərinin toplantısında da qaldırdığını bildirib.