İsraildə bunker-telestudiya hazırlanıb
“Azerimuslims.com” Rusiya mətbuatına istinadən bildirir ki, İsrail telekanallarından biri ölkənin Hayfa şəhərində bunker-studiya yaradıb. Xəbərlərdə İsrail Teleradio Agentliyi (İTA) tərəfindən yaradılan yeraltı studiyanın ölkədə hərbi əməliyyatlar baş verəcəyi təqdirdə telekanalın öz işini davam etdirməsinə imkan verəcəyi bildirilib.
Həmçinin, xəbərlərdə yerin 7 metr altında yerləşən studiyanın divarlarının qalınlığının 30 santimetrə çatdığı qeyd olunub. Bunker-studiyada telekanalın istənilən səviyyədə fəaliyyəti üçün hər cür şərait yaradılıb. İTA-nın Baş direktoru Yoni Ben-Menahem bildirib ki, bu telestudiyadan fövqəladə hallar istifadə ediləcək.
Məlumat üçün bildirək ki, 2006-cı ildə Livanın “Hizbullah” hərəkatının İsrailin Hayfa şəhərini bombardman etdiyi vaxt telekanal fəaliyyətini dayandırmaq məcburiyyətində qalmışdı.
Son Xəbərlər
- 1
- 2
- 3
- 4
- 5
- 6
