DÇ-2018-in pley-off mərhələsinin cavab oyunları davam edir.
“Qafqazinfo” xəbər verir ki, İtaliya öz meydanında İsveçi qəbul edib. Qarşılaşma qolsuz bərabərliklə yekunlaşıb.
Bu komandalar arasında keçirilən ilk matçda İsveç millisi 1:0 hesabı ilə qalib gəlib.
Qeyd edək ki, İtaliya millisi son 60 ildə ilk dəfə Dünya Çempionatından kənarda qalıb. 1958-ci ildə İsveçdə keçirilən mundiala İtaliya vəsiqə qazana bilməmişdi və həmin çempionatda ev sahibi İsveç 2-ci yeri tutmuşdu.
İtaliya - İsveç 0:0
İlk oyun: 0:1