ABŞ-ın Kaliforniya ştatının Perris şəhərində bir evdə valideynlərin 13 uşağını zəncirlədiyi barədə polisə məlumat daxil olub.
“Qafqazinfo” xarici KİV-ə istinadən xəbər verir ki, uşaqlardan biri – 17 yaşlı qız fürsət taparaq evdən qaçmağı bacarıb və polisə zəng edərək vəziyyət barədə məlumat verib.
Əməliyyat keçirən polis öncə həmin qızın təhlükəsizliyini təmin edib. Daha sonra evə daxil olaraq yaşları 2 ilə 29 arasında dəyişən 12 uşağı xilas edib. Valideynlər - 57 yaşlı ata Deyvid Alen Turpin və 49 yaşlı ana Luisa Anna Turpin isə həbs ediliblər.
Onlar övladlarını hansı səbəbdən evə həbs etdiklərini bildirməyiblər. Hazırda araşdırma davam etdirilir.