Kuba yeni liderini seçib.
“Qafqazinfo” xəbər verir ki, 57 yaşlı yeni lider Migel Diaz-Kanelin adı parlamentin iclasında elan edilib. O, 2008-ci ildən bu postu tutan 86 yaşlı Raul Kastronu əvəzləyib.
Bununla da, Kubada Fidel Kastronun 1959-cu ildə baş nazir olması ilə başlayan Kastro qardaşlarının 59 illik hakimiyyəti sona çatıb.
Qeyd edək ki,Migel Diaz-Kanel Kommunist Partiyasının növbəti konqresinə - 2021-ci ilə kimi rəhbər vəzifəsində qalacaq.
Aysel Kərimova