Kubanın paytaxtı Havanada təyyarə qəzası baş verib.
“Qafqazinfo” NTV-yə istinadən xəbər verir ki, “Boeing 737” tipli sərnişin təyyarəsi hava limanından qalxdıqdan qısa müddət sonra yerə çırpılıb.
Təyyarədə 100-dən çox sərnişinin olduğu bildirilir. Ölənlərin sayı dəqiqləşdirilir.
Hadisənin dəqiq səbəbi bilinmir.
***
Təyyarədə 104 sərnişin və 4 ekipaj üzvünün yer aldığı açıqlanıb. Məlumata görə, 3 nəfər ağır yaralı halda sağ qalıb.
***
Qəzada 101 nəfərin öldüyü açıqlanıb. Hələlik 4 nəfərin taleyindən xəbər yoxdur.
Qeyd edək ki, təyyarə əkin sahəsinə düşüb. Hazırda ərazidə tədbirlər davam etdirilir.
***
Təyyarənin göyərtəsində 105 yox, 110 nəfərin olduğu bildirilir. Bu barədə layneri icarəyə götürən "Global Air" şirkəti bildirib. Nəticədə, ölənlərin sayı artaraq 107 nəfər olub.