Bakıda qətl törədən 22 yaşlı gəncin məhkəmə istintaqına start verilir.
“Qafqazinfo”nun verdiyi xəbərə görə, hadisə bu ilin martın 1-də Yasamal rayonu, Xiyabani küçəsində baş verib.
1997-ci il təvəllüdlü Kamil Səttarlı şəxsi münasibətlər zəminində tanışı, 1993-cü il təvəllüdlü Emin Babaverdiyevi üç bıçaq zərbəsi ilə qətlə yetirib.
Faktla bağlı cinayət işi başlanılıb. K.Səttarlı həbs edilib.
Onun barəsində 6 ay davam edən istintaq artıq yekunlaşıb və iş baxılması üçün Bakı Ağır Cinayətlər Məhkəməsinə göndərilib.
İşə hakim Səbuhi Hüseynovun sədrliyi ilə baxılacaq.
Murad Əhməd