Lənkəranda Dövlət Bayrağı günü qeyd olunub

Lənkəranda Dövlət Bayrağı günü qeyd olunub
Oxunma sayı: 1231

Noyabrın 9-da Lənkəran şəhərində Dövlət Bayrağı günü münasibətilə tədbir keçirilib. 

“Qafqazinfo” xəbər verir ki, Lənkəran Şəhər İcra Hakimiyyətinin, YAP Lənkəran şəhər təşkilatının və Lənkəran Dövlət Universitetinin birgə təşkilatçılığı ilə keçirən tədbir şəhərin Heydər Əliyev prospektində mitinqlə başlayıb.

Dövlət himni ilə başlayan mitinqdə Lənkəran ŞİH başçısı Taleh Qaraşov çıxış edib.

Natiq çıxışında Azərbaycanın dövlət bayrağının yaranma tarixi və rəmzi mənasını, dövlət atributu kimi bayrağın cəmiyyət həyatındakı rolunu xüsusi vurğulayaraq hər bir vətəndaşı dövlət bayrağına təzim etməyə, onu bütün varlığı ilə sevməyə və ona sədaqət göstərməyə çağırıb.

Sonra minlərlə tədbir iştirakçısı üçrəngli bayraqlarla Heydər Əliyev prospekti boyunca şəhərin Bayraq meydanınadək yürüş keçiriblər. Yürüş boyunca iştirakçılar “Üç rəngli bayrağımız heç zaman enməz”, “ Şəhidlər ölməz, Vətən bölünməz”, “Dövlət müstəqilliyimiz əbədi, dönməz və sarsılmazdır”,”Yaşasın müstəqil və və azad Azərbaycan” şüarları səsləndiriblər.




Daha tez məlumatlanmaq üçün yeni Facebook səhifəmizi