Lənkəranda partlayış - Tələbə yaralandı

Lənkəranda partlayış
Oxunma sayı: 718

Lənkəran şəhərində qaz sızmasından partlayış baş verib.

"Qafqazinfo" Sputnik Azərbaycan-a istinadən xəbər verir ki, partlayış hadisəsi Lənkəran Şəhəri Z.Əliyeva küçəsi 78, bina 3, mənzil 11-də baş verib.

Belə ki, həmin mənzildə kirayə qalan LDU tələbəsi olan Masallı rayonu Zuvand kənd sakini 1997-ci il təvəllüdlü Cəmil Xəlilzadə qazla işləyən su qızdırıcısını alışdırmaq istəyən zaman partlayış olub. Nəticədə C.Xəlilzadə sol qolu, qulaqları, boynunun arxa hissəsi və qismən də üz nahiyəsindən 1 və 2-ci dərəcəli yanıq xəsarətləri alıb.

Xəsarət alan şəxs tələbə yoldaşları tərəfindən Lənkəran Mərkəzi Xəstəxanasına çatdırılıb. C.Xəlilzadə ilkin tibbi yardım göstəriləndən sonra evə buraxılıb.

 

 


Daha tez məlumatlanmaq üçün yeni Facebook səhifəmizi