Çili XİN-i Venesuelanın ölkəsindəki səfirinə etiraz notası təqdim edib.
“Qafqazinfo” xəbər verir ki, notaya səbəb Çili diplomatik nümayəndəliyinin əməkdaşlarının prezident Nikolas Maduroya sui-qəsd cəhdində iştirak etməkdə ittiham olunmalarıdır:
“Çili hökuməti Venesuela hökumətinin yalan ittihamlarını inkar edir”.
Qeyd edək ki, daha əvvəl Venesuelanın kommunikasiya və informasiya naziri Xorxe Rodriqes Maduroya sui-qəsd cəhdində Kolumbiya, Meksika və Çili diplomatlarının iştirak edə biləcəyini bəyan etmişdi. Meksika və Kolumbiya da öz növbələrində ittihamları rədd ediblər.