Manafla Mətanət küsülü imiş

manafla-metanet-kusulu-imis
Oxunma sayı: 2713

“Mən həmişə demişəm ki, kişi yalan danışmaz, ayıbdır. Böyük bir şey yoxdur, Mən nə deyirəmsə, düz deyirəm. Mətanət telefonda mənimlə qışqıra-qışqıra danışdı. Mən də ona dedim ki, az, sən mənimlə belə danışırsan? Əsəbi idi, sonra dedi ki, bağışla. Mən də dedim ki, artıq bitdi. İnciklik yarandı”.  

“Qafqazinfo” xəbər verir ki, bu sözləri müğənni Manaf Ağayev “Ən yaxşısı” proqramına qonaq olarkən deyib.  O, hər zaman müdafiə etdiyi yaxın dostu, müğənni Mətanət Əsədova ilə küsülü olduğunu etiraf edib.

Sənətçi proqramda, artıq incikliyin bitdiyini qeyd edib: “Bir toy var idi, ev sahibi məclisdə yaxınlaşıb dedi ki, istəyirəm Mətanət xanımı çağırım, sizinlə oxusun. Mən də dedim ki, lap əla. Yaxşı oxuyan müğənnidir. Ev sahibi dedi ki, zəng vurun, siz danışın. Razılaşmadım, dedim ki, inciklik var, nömrəni verim əlaqə saxlayın. Ev sahibi yanımda zəng vurdu, dedi ki, nömrəni məndən alıb. Toyun qiymətini filan soruşdu. Mətanət dedi ki, Manaf ordadırsa, bir saat artıq da oxuyaram”.