Maşın sürürsüzsə, 1:0 öndəsiz

Maşın sürürsüzsə, 1:0 öndəsiz
Oxunma sayı: 2071

Maşın sürmək beyin aktivliyinə müsbət təsir göstərir. Zamanının çox hissəsini sükan arxasında keçirənlər daha tez qərar qəbul edirlər.

“Qafqazinfo” Azərtac-a istinadla xəbər verir ki, alimlər maşın idarə edərkən beyinin sağ yarımkürəsinin aktivliyi artdığını müəyyən ediblər.

Bu istiqamətdə aparılan iki qrupdan ibarət tədqiqatlarda iki min könüllü iştirak edib. Birinci qrupun iştirakçıları mütəmadi olaraq sükan arxasında, digərləri isə piyada hərəkət edirdilər. Müəyyən edilib ki, piyadalara nisbətən maşın sürənlərin beyinləri yerdəyişmələr zamanı daha aktiv fəaliyyətə başlayır. Mütəxəssislərin fikrincə, bu əlavə sinir əlaqələrinin yaranması ilə bağlıdır. Bundan əvvəl aparılan tədqiqatlar da onu sübut edib ki, orta yaşda maşın sürmək diqqət və yaddaşa müsbət təsir göstərir, 55 yaşdan yuxarı sükan arxasına oturmaq isə insanda özünü idarəetmənin inkişaf etməsinə təkan verir. Eyni zamanda araşdırmalar göstəriblər ki, yaşlı insanların sürücülükdən imtina etməsi onların fiziki və intellektual bacarıqlarının azalmasına səbəb olur.


Daha tez məlumatlanmaq üçün yeni Facebook səhifəmizi