Maşınisti olmayan yük qatarı sınaqdan keçirilib

Maşınisti olmayan yük qatarı sınaqdan keçirilib
Oxunma sayı: 615

“Rio Tinto” konserni Avstraliyanın Pilbara regionunda dünyada ilk maşinistsiz idarə olunan yük qatarının testinə başlayıb.

“Qafqazinfo” ICTnews-a istinadən xəbər verir ki, qatarın 2018-ci ildə istifadəyə verilməsi planlaşdırılır.

Sınaq zamanı məsafədən idarə olunan qatar 100 kilometrə yaxın məsafəni qət etməklə avtopilot rejimində nəzarətçi maşınistlərin müşayiəti ilə hərəkət edib. Qatar müstəqil şəkildə 1 km hərəkət etsə də, bu göstərici avtopilotun stabil işləyəcəyini və qarşıya qoyulan vəzifənin öhdəsindən gələcəyini nümayiş etdirib.

Bildirilir ki, yükləri müstəqil çatdıra bilən qatarlar şirkətə çoxlu vəsaitə qənaət etməyə imkan verəcək. Belə ki, qatarda insanlar olmayanda dayanmağa, istirahətə və nahara ehtiyac qalmadığı üçün qatar təyinat məntəqəsinə daha tez çatacaq.

Hər şeyin plan üzrə gedəcəyi təqdirdə dünyada ilk uzaq məsafəli maşinistsiz idarə olunan yük qatarının istifadəyə verilməsi nəzərdə tutulur.

Qeyd edək ki, əksər ölkələrdə fəaliyyət göstərən “Rio Tinto” Avstraliya-Britaniya konserni böyüklüyünə görə dünyada üçüncü transmilli mədənçıxarma və metallurgiya şirkətidir.


Daha tez məlumatlanmaq üçün yeni Facebook səhifəmizi