“Biz bu problemlərin qarşısını almağa çalışırıq. Təəssüflər olsun ki, bu bir problem olaraq hələ də qalır. Problemin aradan qaldırılması istiqamətində bəzi işlər görülüb. Bunların sırasında Ədliyyə Nazirliyi Penitensiar Xidmətin 40-a yaxın əməkdaşı işində yol verdiyi nöqsanlarla əlaqədar daha aşağı vəzifəyə keçirilib, 10-dan artıq əməkdaş isə xidmətdən xaric olunub”, - deyə M.Quliyev bildirib.
M.Quliyev cəzaçəkmə müəssisələrində məhkumların saxlanma şəraitində bəzi nöqsanların olduğunu da qeyd edib. Onun sözlərinə görə, məhkumların saxlanma şəraitində dönüş yaradılması istiqamətində işlər aparılır.