28 may Respublika Günü münasibəti ilə Nəsimi rayonunun tam orta məktəblərində silsilə tədbirlər təşkil olunaraq keçirilir.
Rayon İH-dən “Qafqazinfo”ya daxil olan xəbərə görə, bu gün 8 saylı tam orta məktəbdə 28 May-Respublika Günü münasibəti ilə bayram tədbiri təşkil edilib. Bayram tədbirində məktəblilər şerlər söyləyib, milli rəqslər və maraqlı kompozisiyalarla çıxış ediblər.
Tədbirdə iştirak edən Nəsimi rayon İcra Hakimiyyətinin Başçısının birinci müavini Gülarə Verdiyeva və məktəbin direktoru Aytən Baxşıyeva 23 ay fəaliyyət göstərmiş Azərbaycan Xalq Cümhuriyyətinin yaranmasının 99-cu ildönümü – istiqlaliyyət tarixindən danışıb və məktəbliləri hər bir azərbaycanlının qürurla qeyd etdiyi 28 may Respublika günü münasibəti ilə təbrik ediblər.