Nigeriyanın Kano ştatında ağır yol qəza hadisəsi baş verib.
“Qafqazinfo” TASS-a istinadən xəbər verir ki, bu barədə “Sinxua” agentliyi məlumat yayıb.
Məlumata əsasən, məktəbliləri daşıyan avtobus yük maşını ilə toqquşub. Qəza nəticəsində azı 22 məktəbli və avtobusun sürücüsü həlak olub. Daha 3 nəfər isə xəsarət alıb. Ölənlərdən 12-si oğlan 10 isə qız şagird olub.
Məktəblilərin yerli radiostansiyaya ekskursiyaya aparıldığı bildirilib.
Polisin məlumatına görə, qəzaya hər iki sürücünün ötmə əməliyyatını düzgün yerinə yetirməməsi səbəb olub.