Məmmədyarov Sinkfild Kubokuna qələbə ilə başladı

memmedyarov-sinkfild-kubokuna-qelebe-ile-basladi
Oxunma sayı: 1768

Azərbaycanlı şahmatçı Şəhriyar Məmmədyarov ABŞ-ın Missuri ştatının Sent-Luis şəhərində keçirilən şahmat üzrə Sinkfild superturnirinə qələbə ilə başlayıb.

“Qafqazinfo”nun “Trend”ə istinadən məlumatına görə, Məmmədyarov ilk turda ağ fiqurlarla amerikalı Uesli Soya qalib gəlib.

Hazırda həmyerlimiz turnir cədvəlində rusiyalı Sergey Karyakini məğlub edən Levon Aronyanla 1-2 yerləri bölüşdürür.

Qeyd edək ki, turnirdə həmçinin Maqnus Karlsen (Norveç), Fabiano Karuana, Hikaru Nakamura (hər ikisi ABŞ), Aleksandr Qrişuk (Rusiya), Maksim Vaşye-Laqrav (Fransa), Vişvanatan Anand (Hindistan) iştirak edirlər.

Ş.Məmmədyarovun növbəti rəqibi Aleksandr Qrişuk olacaq.

Turnir bir dövrə keçiriləcək və avqustun 27-si başa çatacaq.

Qeyd edək ki, yarışın mükafat fondu 300 min ABŞ dollarıdır. Qalib 75 min dollar qazanacaq.