Mərkəzi Bank uçot dərəcəsini aşağı sala bilər

merkezi-bank-ucot-derecesini-asagi-sala-biler
Oxunma sayı: 672

Mərkəzi Bank uçot dərəcəsini aşağı sala bilər. 

MB-dan “Qafqazinfo”ya daxil olan məlumatda bildirilir ki, bu barədə məsələ Bankın İdarə Heyətinin ötən gün keçirilən iclasında qeyd olunub. Belə ki, Mərkəzi Bank iqtisadi və inflyasiya dinamikasından asılı olaraq cari ilin ikinci yarısında uçot dərəcəsinin aşağı salınması potensialını qeyd edir. 

Mərkəzi Bankın inflyasiyanın hədəflənməsi rejiminə nəzərdə tutulan keçidi, maliyyə sabitliyinin dərinləşdirilməsi istiqamətində gözlənilən nəticələr, yeni fiskal qaydaların qəbulu və tətbiqi, bütövlükdə makroiqtisadi siyasətin koordinasiyası çərçivəsinin institutlaşması ortamüddətli inflyasiya risklərini daha da effektiv idarəetməyə imkan verəcək. Mərkəzi Bankın İdarə Heyətinin uçot dərəcəsinin səviyyəsi haqqında növbəti iclası 1 avqust 2017-ci il tarixinə təyin edilib. 

Günel Türksoy