“Air France” şirkətinin direktoru Jan-Mark Janayyak vəzifəsindən ayrılıb.
“Qafqazinfo” “Le-Figaro”ya istinadən xəbər verir ki, o, bir müddətdir maaşlarının artırılması məqsədilə kütləvi tətillər keçirən işçilərin təklifini qəbul etmiş və müqavilə sənədi hazırlamışdı.
Lakin, həmin sənəd idarə heyətində qəbul edilməyib. Jan-Mark Janayyak da buna görə istefa verib.
Müqavilədə işçilərin maaşının bu il ərzində 2 faiz, növbəti üç il ərzində isə 5 faiz artırılması nəzərdə tutulurdu.
Qeyd edək ki, kütləvi tətillər nəticəsində şirkətə 296 milyon avro ziyan dəyib.