Məşhurlar “Qarabağ”dan yazdı... - “Gözlərimizə inanmaq vaxtıdır”

Məşhurlar “Qarabağ”dan yazdı...
Oxunma sayı: 2393

Xəbər verdiyimiz kimi, ötən gün “Qarabağ” Çempionlar Liqasında səfərdə “Atletiko” ilə 1-1 oynayıb və İspaniyadan 1 xalla geri qayıdıb.
Bu uğura şou-biznes nümayəndələri də biganə qalmayıb. Onlar rəsmi instaqram səhifələrində “Qarabağ”I təbrik ediblər. 

“Qafqazinfo” məşhurların paylaşımlarını təqdim edir: 

Əməkdar artist Tünzalə Ağayeva:

“Gözəl, əzimkar bir oyun göstərdiz. Sizə təşəkkür edirəm. Fəxr edirəm ki, Avropanın ən güclü klubuyla dünya səviyyəsində bir oyun göstərdiz. Sizinlə qürur duyuram”. 

Əməkdar artist Vasif Məhərrəmli:

“Bu insan xarügələr yaratdı. Axşamki oyuna görə bütün futbolçularımıza təşəkkür edirəm. Bu həyəcanı və sevinci bizə yaşatdığı üçün Qurban Qurbanova minnətdaram”. 

Elton Hüseynəliyev:

“Azərbaycan futbolunun daha bir uğuru, “Qarabağ” 1- 1 “Atletiko”. Həm də böyük uğur! “Qarabağ”ın bütün futbolçularını, azarkeşlərini və özümü təbrik edirəm”. 

Azərbaycanın əməkdar mədəniyyət işçisi Samirə Əliyeva (Aşıq Samirə):

“Uraaa! “Qarabağ irəli”. 

Samirənin paylaşımına Aşıq Əli də reaksiya verib:

“Səndən xahiş edirəm, bundan sonra oyunların hamısına bax. Baxırsan, matç yaxşı nəticələrlə bitir”.

Əməkdar artist Tünzalə Əliyeva:

“Qürurverici bir an, Təbriklər “Qarabağ”.

Aktyor Fərda Xudaverdiyev:

“Gözlərimizə inanmaq vaxtıdır. Sonda hesabın necə olacağından asılı olmayraq “Qarabağ” ürəyimizdir”. 

Manaf Ağayev, Roza Zərgərli, Anar Mədətov, Ceyhun Əli, Lalə Azərtaş, Elvin Abdullayev və başqaları da Ağdam klubuna dəstək olublar.



Daha tez məlumatlanmaq üçün yeni Facebook səhifəmizi