Mərkəzi Seçki Komissiyasının sədri Məzahir Pənahovun qardaşı vəfat edib.
“Qafqazinfo” xəbər verir ki, MSK sədrinin qardaşı Mahir Pənahov uzun müddətdir ki, xəstəlikdən əziyyət çəkirmiş. O, 2013- cü ildən etibarən Vergilər Nazirliyində çalışıb. Nazirliyin Milli Gəlirlər Departamentinin baş direktorunun müavini vəzifəsində işləyib.
Qeyd edək ki, M. Pənahov 1960- cı ildə Tovuz rayonunda anadan olub. Onun nəşi anadan olduğu Tovuz rayonunda torpağa tapşılıracaq.
Mərhumun yas mərasimi martın 1-də Heydər məscidində keçiriləcək.
***
MSK üzvü Mikayıl Rəhimov “Qafqazinfo”ya açıqlamasında bildirib ki, bu gün komissiyanın növbəti iclası keçiriləcək:
”İclasa sədrliyi yenə də Məzahir Pənahov edəcək. Prosedur qaydaları ondan ibarətdir ki, iclas təxirə düşə bilməz. Çünki burada iclaslar əvvəldən təyin olunmuş qrafik üzrə həyata keçirilir. Namizədliyini irəli sürmüş şəxslər var və onların məsələsinə baxılmalıdır”.
Günel Türksoy