“Mi-8” qəzaya uğradı, 8 nəfər həlak oldu
“Qafqazinfo”nun AzərTAc-a istinadən xəbər verir ki, Qazaxıstan Fövqəladə Hallar Nazirliyi mətbuat xidmətinin yaydığı məlumata görə, bir neçə gün əvvəl Almatı vilayətinin Koktuma-Dostık rayonundakı Jalanaşkol gölü yaxınlığında qəzaya uğramış vertolyot tapılıb, maşında olan 8 nəfərin hamısı həlak olub.
Məlumatda deyilir ki, içərisində mütəxəssislər olan, “Avrasiya Air” aviaşirkətinə məxsus vertolyot Qazaxıstan-Çin neft kəmərinin üzərində tədqiqat işləri apararkən heyətlə rabitə kəsilib, bir neçə saat sonra axtarış-xilasetmə tədbirləri başlanıb.
Vertolyotun qəzaya uğraması ilə əlaqədar cinayət işi açılıb, istintaq aparılır.
Son Xəbərlər
- 1
- 2
- 3
- 4
- 5
- 6
