Amerikalı milyarder Tom Stayer prezident Donald Trampın impiçmenti üçün kampaniya başlatdığını elan edib. “Qafqazinfo” xəbər verir ki, bunu milyarder yayımladığı video çarx vasitəsilə açıqlayıb.
Video müraciətində Stayer Trampı ABŞ-ı nüvə müharibəsi ilə üz-üzə qoymaqda, Federal Axtarış Bürosunun ədalətinə mane olmaqda, konstitusiyaya məhəl qoymamaqda, digər ölkə hökumətlərindən pul almaq və KİV-ləri bağlamaqla təhdid etməkdə ittiham edib:
“Əgər bu təhlükəli prezidenti istefaya göndərmək üçün əsas deyilsə, o zaman bizim hökumət harda qaldı?”
Stayer, həmçinin bəyan edib ki, Amerika konqresi Trampın təhlükə yaratdığını anlayır: “Ağıl tarazlığı yerində deyil, bununla yanaşı nüvə silahı ilə silahlanıb”.