Müdafiə Nazirliyinin sabiq rəisi həbs edildi- - Yenilənib

mudafie-nazirliyinin-sabiq-reisi-hebs-edildi-
Oxunma sayı: 6753


Müdafiə Nazirliyinin Elmi-Tədqiqat Mərkəzinin sabiq rəisi Elçin Xəlilov həbs edilib.

“Qafqazinfo” anspress-ə istinadən verdiyi məlumata görə, bu informasiyanı hərbi ekspert Üzeyir Cəfərov özünün Facebook səhifəsində yazıb: "Mən deyəndə ki, Hərbi Dəniz Qüvvələri ilə bağlı çox maraqlı proseslər olacaq, bəziləri bunu zarafat kimi qəbul edirdilər. Bu gün çoxlarının zəlzələ Elçin kimi tanıdıqları 600 saylı hərbi hissənin komandiri olmuş məşhur Elçin Xəlilov də həbs edildi. Ona 3 aylıq həbs qəti imkan tədbiri verilib".

Respublika Hərbi Prokurorluğunun mətbuat xidməti faktı təsdiqləyib. Respublika Hərbi Prokurorluğu tərəfindən aparılan yoxlama nəticəsində Müdafiə Nazirliyinin Elmi-Tədqiqat Mərkəzinin sabiq rəisi Elçin Xəlilovun işlədiyi müddətdə ciddi qanun pozuntularına yol verməsi aşkar edilib. Elçin Xəlilov vəzifə səlahiyyətlərini aşmaqla külli miqdarda dövlət əmlakını talayıb.

***
Müdafiə Nazirliyinin Elmi-Tədqiqat Mərkəzinin sabiq rəisi Elçin Xəlilov həbs edilib.

Bakı Hərbi Məhkəməsindən APA-ya verilən məlumata görə, E. Xəlilov Cinayət Məcəlləsinin 308.2. (Vəzifə səlahiyyətlərindən sui-istifadə) və 179.3.2. (. Mənimsəmə və ya israf etmə (külli miqdarda törədildikdə)) maddələri ilə təqsirləndirilən şəxs qismində cəlb edilərək Respublika Hərbi Prokurorluğunun təqdimatı əsasında barəsində üç ay müddətinə həbs qətimkan tədbiri seçilib.
 
Respublika Hərbi Prokurorluğunun mətbuat xidmətindən APA-ya faktı təsdiqləyiblər. Bildirilib ki, Respublika Hərbi Prokurorluğu tərəfindən aparılan yoxlama nəticəsində Müdafiə Nazirliyinin Elmi-Tədqiqat Mərkəzinin sabiq rəisi Elçin Xəlilovun işlədiyi müddətdə ciddi qanun pozuntularına yol verməsi aşkar edilib. Müəyyən olunmuş qanun pozuntuları ilə bağlı Respublika Hərbi Prokurorluğunda Cinayət Məcəlləsinin 308.2. və 341.1. (Hakimiyyətdən sui-istifadə etmə, hakimiyyət həddini aşma və ya hakimiyyətdən istifadə etməmə ( Rəisin və ya vəzifəli şəxsin hakimiyyətdən və ya öz qulluq mövqeyindən sui-istifadə etməsi, hakimiyyət həddini və ya qulluq səlahiyyətini aşması, hakimiyyətdən qəsdən istifadə etməməsi, bu əməllər müntəzəm, yaxud tamahkarlıq məqsədilə və ya digər şəxsi marağa görə törədildikdə, habelə bu əməllər əhəmiyyətli zərər vurduqda) maddələri ilə cinayət işi başlanıb.
 
Aparılmış istintaqla müəyyən edilib ki, Elçin Xəlilov Müdafiə Nazirliyinin Elmi-Tədqiqat Mərkəzinə rəhbərlik etdiyi müddət ərzində vəzifə səlahiyyətlərini aşmaqla külli miqdarda dövlət əmlakını talayıb.
 
Hazırda həmin cinayət işi üzrə zəruri istintaq hərəkətləri davam etdirilir.