Müsəlman ölkələri ortaq telekanal qurur
“Azerimuslims.com” Türkiyənin “Zaman” qəzetinə istinadən bildirir ki, İslam Əməkdaşlıq Təşkilatı (İƏT) quruma üzv dövlətlərin ortaq telekanalı və Müsəlman Jurnalistlər Birliyinin yaradılması işini sürətləndirib.
Qabonun paytaxtı Librevilldə keçirilən İƏT-in İnformasiya nazirlərinin toplantısında qurumun qərb ölkələrində mətbuat büroları açmaqla sözügedən ölkələrdə İslam əleyhdarlığı ilə yerində mübarizə aparmağa hazırlaşdığı vurğulanıb. Toplantıda yaradılacaq yeni telekanalın İƏT-ə üzv olan bütün ölkələrdə peyk vasitəsilə efir həyatına başlaması istiqamətində müzakirələr aparılmasının vacibliyi də qeyd olunub.
İƏT-in mətbuat işlərindən məsul direktoru İsam Şanti müsahibəsində yeni yaradılacaq telekanalın qurumun rəsmi dilləri olan ingilis, ərəb və fransız dillərində efirə çıxacağını deyib.
Habelə Şanti İƏT-in Qərbdə getdikcə artan İslam əleyhdarlığı ilə yerində mübarizə aparmaq məqsədilə ABŞ və Avropa ölkələrində mətbuat büroları açacağını, analoji bürolardan birinin Çində də açılmasının planlaşdırıldığını bildirib.
Son Xəbərlər
- 1
- 2
- 3
- 4
- 5
- 6
