NATO Dağlıq Qarabağdakı münaqişədən narahatdır və tərəfləri gərginlikdən qaçmağa çağırır.
“Qafqazinfo” xarici KİV-ə istinadən xəəbər verir ki, bu sözləri NATO baş katibi Yens Stoltenberq Brüsseldə prezident İlham Əliyevlə görüşdən sonra deyib:
“Dağlıq Qarabağdakı həll olunmamış münaqişə narahatlıq yaradır. Məlumdur ki, münaqişənin hərbi həll yolu yoxdur və NATO burada birbaşa rol oynamır”.
Stoltenberq qeyd edib ki, alyans ATƏT-in Minsk qrupu həmsədrlərinin işini dəstəkləyir və Azərbaycan-Ermənistan liderləri arasında danışıqlar prosesinin yenilənməsinə şaddır: “Sizi danışıqlar vasitəsilə həllin axtarışı yoluyla getməyə davam etməyə və yeni eskalasiyadan qaçmağa çağırırıq”.