Nazir müavini teatrla bağlı görüşdə - Fotolar

Nazir müavini teatrla bağlı görüşdə
Oxunma sayı: 556

Sentyabrın 13-də Rəşid Behbudov adına Azərbaycan Dövlət Mahnı Teatrında mədəniyyət və turizm nazirinin müavini Ədalət Vəliyevin iştirakı ilə teatr və konsert müəssislərinin yeni mövsümdə fəaliyyətinə həsr olunmuş görüş keçirilib.

“Qafqazinfo” xəbər verir ki, görüşdə nazirliyin müvafiq struktur bölmələrinin əməkdaşları, teatr və konsert müəssisələrinin direktorları, baş rejissorlar və digər məsul əməkdaşlar iştirak edib. 

Tədbiri giriş sözü ilə açan Ədalət Vəliyev son illər ölkəmizdə mədəniyyət ocaqlarının, teatr və konsert müəssilərinin inkişafı istiqamətində atılan addımlardan danışıb.

Bildirib ki, son 10 il ərzində Azərbaycanda mədəniyyət sahəsinin inkişafı istiqamətində böyük işlər görülüb. 2006-cı ildə Azərbaycanda teatr haqqında qanun qəbul olunub. 2007-ci ildə Prezident İlham Əliyev tərəfindən Azərbaycan teatrının maddi-texniki bazasının möhkəmləndirilməsi ilə bağlı sərəncam imzalanıb. O cümlədən 2009-cu ildə dövlət başçısının sərəncamı ilə Azərbaycan teatrının inkişafı ilə bağlı Dövlət proqramı təsdiq olunub. 

Nazir müavini ötən müddətdə də sənət adamlarının ölkə başçısının daim diqqət və qayğısı ilə əhatə olunduğunu bildirib: 

“Qeyd etmək yerinə düşər ki, 928 nəfər müxtəlif fəxri adlara, orden və medallara layiq görülüb. 91 nəfər sənətçimiz Prezidentin ömürlük təqaüdünü alır. Hər il 150 nəfər Prezident təqaüdü alır. Nazirliyin vəsaiti hesabına 26 nəfər rejissor, səs rejissoru, rəssam, işıq üzrə mühəndislik üzrə 6 xarici ölkədə staj keçməyə göndərilib”.




Daha tez məlumatlanmaq üçün yeni Facebook səhifəmizi