Nazirlik anomal istilərlə bağlı xəbərdarlıq etdi
Abşeron çimərliklərində dəniz suyunun temperaturu: Sumqayıt, Novxanı, Pirşağı, Nardaran, Bilgəhdə 26-27, Zaqulba, Buzovna, Mərdəkan, Şüvəlanda 27-28, Türkan, Hövsan, Şıx, Sahildə 28-29 dərəcə isti təşkil edəcək.
Azərbaycanın rayonlarında iyulun 17-də hava şəraitinin yağmursuz olacağı, lakin gecə bəzi yüksək dağlıq ərazilərdə şimşək çaxacağı, qısamüddətli az yağış yağacağı ehtimalı var. Mülayim qərb küləyi əsəcək.
Havanın temperaturu gecə 20-25, gündüz 35-40, bəzi yerlərdə 42 dərəcəyədək, dağlarda gecə 13-18, gündüz 25-30, bəzi yerlərdə 32 dərəcəyədək isti olacaq.
İyulun 19-dək Bakıda və Abşeron yarımadasında gözlənilən anomal isti hava şəraiti insanlar üçün əlverişsizdir. Gündüz saatlarında gün altında olmaq məsləhət deyil.
İyulun 19-na kimi gözlənilən sabit və isti hava şəraiti Respublikanın əksər rayonlarında kənd təsərrüfatı bitkilərinin inkişafı üçün əsasən əlverişli olacaq. Lakin torpaqda olan rütubət ehtiyatının azalması əkinlərin suvarılmasına ehtiyacı artıracaq. Hava şəraitinin yağıntısız olması aqrotexniki işlərin aparılması üçün münasib olacaq.
Son Xəbərlər
- 1
- 2
- 3
- 4
- 5
- 6
