Nazirlik Bakıda ağac kəsən şəxsə 2200 manat cərimə yazdı
Ekologiya və Təbii Sərvətlər Nazirliyi Bakıda ağac kəsən şəxsi cərimələyib.
"Qafqazinfo" xəbər verir ki, Səbail rayonu, Azadlıq küçəsi 15 ünvanında ağacların kəsilməsi ilə bağlı daxil olan şikayət Bakı şəhər Ekologiya və Təbii Sərvətlər Departamentinin əməkdaşları tərəfindən yerində araşdırılıb.
Sözügedən ünvana keçirilən baxış zamanı ərazidə 1 lüqustr ağacının kəsildiyi, 1 əncir ağacının qanunsuz budandığı və təbiətə 720 manat məbləğində ziyan dəydiyi məlum olub.
Araşdırma zamanı ağacların Vurğun Cəfərov tərəfindən kəsildiyi və budandığı müəyyən edilib. Faktla bağlı qanun pozucusu barəsində akt, protokol tərtib olunub və o, fiziki şəxs qismində 2200 manat məbləğində cərimə edilib.
Son Xəbərlər
- 1
- 2
- 3
- 4
- 5
- 6
