Nazirlik heyvana qarşı amansızlıq edən şəxs haqda açıqlama yaydı

Nazirlik heyvana qarşı amansızlıq edən şəxs haqda açıqlama yaydı
Oxunma sayı: 1888

Sosial şəbəkədə şəhərin küçəsində iribuynuzlu heyvanın xırda tutumlu yük maşınının arxasına bağlanaraq sürüdülməsi ilə bağlı yayılan videoyla əlaqədar Ekologiya və Təbii Sərvətlər Nazirliyi açıqlama yayıb.

“Qafqazinfo” xəbər verir ki, nazirliyin açıqlamasında qanunpozucusunun İnzibati Xətalar Məcəlləsinin 274-cü maddəsinə (Heyvanlarla rəhmsiz rəftar edilməsi) əsasən cərimə oluna biləcəyi qeyd edilir. 

Sözügedən hadisə ilə bağlı artıq Baş Dövlət Yol Polisi İdarəsi tərəfindən 10-LO-913 dövlət nömrə nişanlı “Qazel” markalı maşının sürücüsü barəsində qanunamüvafiq tədbir görülüb. Belə ki, o İnzibati Xətalar Məcəlləsinin 290.1.2.-ev heyvanlarının nəqliyyat vasitələri ilə aparılması şərtlərinin pozulmasına görə 200 manat məbləğində cərimə edilib. 

Qeyd edək ki, qanunamüvafiq qaydada inzibati işə bir qurum tərəfindən baxılıb qərar çıxarıla bilər, bu halda isə qanunpozucusu barəsində Baş Dövlət Yol Polisi İdarəsi tərəfindən inzibati tədbir görülüb.

ETSN vətəndaşları istər vəhşi heyvanlarla, istərsə də ev heyvanlarıyla qanunvericiliyin tələblərinə uyğun davranmağa, onlarla mərhəmətli olmağa və zorakılığa yol verməməyə çağırır.  


Daha tez məlumatlanmaq üçün yeni Facebook səhifəmizi