Bu gün Azərbaycan Premyer Liqasında XI tura yekun vurulacaq.
“Qafqazinfo” xəbər verir ki, əvvəlcə “Kəpəz” öz meydanında “Qarabağ”ı qəbul edəcək.
Bu mövsüm Gəncədə xal qazana bilməyən “Kəpəz” lider “Qarabağ” qarşısında uğursuzluğa son qoymaq üçün meydana çıxacaq.
Turun son matçı isə “Zirə” və “Neftçi” arasında keçiriləcək. Son 4 matçında qələbə qazanan “Neftçi” bu vaxta qədər Premyer Liqa oyunlarda qalib gələ bilmədiyi “Zirə” qarşısında sindroma son qoymağa çalışacaq.
15:00. “Kəpəz” – “Qarabağ”
Hakimlər: Rəhim Həsənov, Yaşar Abbasov, Elşad Abdullayev, Orxan Məmmədov
AFFA nümayəndəsi: Məmmədəli Məmmədov
Hakim-inspektor: Əhmədağa Cabbarov
Gəncə şəhər stadionu
17:00. “Zirə” – “Neftçi”
Hakimlər: Ömər Paşayev, Namiq Hüseynov, Mehman Mahmudov, Fariz Yusifov
AFFA nümayəndəsi: Eldəniz Musayev
Hakim-inspektor: Məhəmməd Məmmədov
Zirə İdman Kompleksinin stadionu