“Neftçi” və “Qəbələ” cərimələndi

“Neftçi” və “Qəbələ” cərimələndi
Oxunma sayı: 346

Bu gün AFFA İntizam Komitəsinin növbəti iclası keçirilib. 

“Qafqazinfo” xəbər verir ki, aparılan müzakirələrdən sonra Topaz Premyer Liqasının və əvəzedicilər arasında təşkil olunan ölkə birinciliyinin 18-ci tururun oyunları ilə bağlı aşağıdakı qərarlar çıxarılıb:

Topaz Premyer Liqası

“Qəbələ” – “Neftçi” matçında “Neftçi”nin 4 futbolçusu sarı vərəqə ilə cəzalandığı üçün klub 800 manat cərimə olunub.

Oyunun 83-cü dəqiqəsində “Qəbələ”nin futbolçusu Yusif Nəbiyev sonuncu ümid fouluna görə birbaşa qırmızı vərəqə alaraq meydandan kənarlaşdırıldığı üçün 1 oyunluq cəzalanıb, klubu 200 manat cərimə olunub.

Əvəzedicilərin çempionatı

“Zirə” – “Keşlə” matçında “Keşlə”nin 6 futbolçusu sarı vərəqə ilə cəzalandığı üçün klub 400 manat cərimə olunub.

Oyunun 90-cu dəqiqəsində “Keşlə”nin futbolçusu Emil Əliyev ikinci sarı vərəqə alaraq meydandan kənarlaşdırıldığı üçün 1 oyunluq cəzalanıb, klubu 100 manat cərimə olunub.

“Kəpəz” – “Səbail” matçında “Səbail”in 5 futbolçusu sarı vərəqə ilə cəzalandığı üçün klub 400 manat cərimə olunub.

Oyunun 78-ci dəqiqəsində “Səbail”in məşqçisi Toğrul Əhmədov texniki zona qaydalarını pozduğuna görə texniki zonadan kənarlaşdırıldığı üçün 1 oyun cəzalanıb, klubu 400 manat cərimə olunub.


Daha tez məlumatlanmaq üçün yeni Facebook səhifəmizi