“Neftin qiymətini bu 3 şəxs müəyyən edir” - Bloomberg

neftin-qiymetini-bu-3-sexs-mueyyen-edir
Oxunma sayı: 1843

Dünya bazarında neftin qiymətini üç siyasətçi müəyyən edir: Rusiya və ABŞ prezidentləri Vladimir Putinlə Donald Tramp və Səudiyyə Ərəbistanının vəliəhd şahzadəsi.

“Qafqazinfo” xəbər verir ki, bunu “Bloomberg” nəşri yazır. 

Müəllifin fikrincə, OPEK artıq qiymətləndirmədə əhəmiyyətli rol oynamır. Bundan başqa, ABŞ, Rusiya və Səudiyyə Ərəbistanı OPEK-in 15 üzvündən daha çox neft istehsal edir. 

Məqalədə qeyd edilir ki, bu üç liderin də müxtəlif məqsədləri var. Analitikin fikrincə, Ər-Riyad ölkə büdcəsini doldurmaq üçün yanacağın istehsalını azaltmağa davam edəcək.

Öz növbəsində, Tramp hər şeyə rəğmən, jurnalist Kaşıkçının qalmaqallı qətli fonunda Səudiyyə ilə yaxşı münasibət saxlamağa çalışır. 

Rusiya isə hazırda 2016-cı illə müqayisədə neftdən daha az asılıdır. Rusiya lideri də bəyan edib ki, barreli 70 dollar dəyərində olan neft onu artıqlaması ilə qane edir.