Nəsimi rayonunda 20 Yanvar faciəsinin ildönümü qeyd olunub

Nəsimi rayonunda 20 Yanvar faciəsinin ildönümü qeyd olunub
Oxunma sayı: 570

Nəsimi rayonunda 20 Yanvar faciəsinin iyirmi səkkizinci ildönümünə həsr olunmuş silsilə tədbirlər davam edir.

"Qafqazinfo" xəbər verir ki, "20 Yanvar faciəsinin iyirmi səkkizinci ildönümünün keçirilməsinə dair tədbirlər planı haqqında" sərəncama əsasən Nəsimi Rayon İcra Hakimiyyəti tərəfindən müvafiq tədbirlər hazırlanıb və faciənin ildönümü geniş şəkildə qeyd olunur. Tədbirlər planına uyğun olaraq rayonun ali və orta təhsil müəssisələrində, idarə və təşkilatlarında anım tədbirləri təşkil olunur. Orta məktəblərin foyelərində Qanlı Yanvar faciəsinin  iyirmi səkkizinci ildönümü ilə əlaqədar foto stendlər düzəldilmiş, anım mərasimləri, yığıncaqlar, toplantılar, inşa yazıları, rəsm, şer müsabiqələri keçirilir, divar qəzetləri buraxılır. Rayonun idarə və təşkilatlarının kollektivlərinin, orta və ali təhsil müəssisələrinin şagird və tələbələrinin  «Şəhidlər Xiyabanı»na  ziyarəti təşkil  olunur.         

Bu gün rayonun ictimai təşkilatlarının nümayəndələrinin iştirakı ilə rayonda yaşayan 20 Yanvar şəhidlərinin ailələri və faciə zamanı  əlil olmuş rayon sakinləri ilə görüş keçirilib.

Nəsimi rayon İcra Hakimiyyətinin Başçısı Asif Əsgərov şəhid ailələri və 20 Yanvar əlillərinin məişət qayğıları və problemləri ilə maraqlanıb, bir sıra sualların həlli ilə bağlı müvafiq tapşırıqlar verib.

Tədbirin sonunda 20 yanvar faciəsi şəhid ailələri və əlillərinə yardımlar göstərilib.






Daha tez məlumatlanmaq üçün yeni Facebook səhifəmizi