Braziliyalı ulduz futbolçu Neymar PSJ klubuna şərt qoyub.
“Qafqazinfo” “Sunday Times”a istinadən xəbər verir ki, hücumçu Paris klubunda qalması üçün maaşının artırılmasını istəyib. İddiaya görə, Neymar PSJ-dən həftəsinə 1 milyon funt-sterlinq (1,3 milyon avro) tələb edib.
Neymarın Fransada çox darıxdığı da bildirilir. Oyunçunun “5 aydır burdayam amma 5 ildir kimi hiss edirəm”,-dediyi də vurğulanır.
Qeyd edək ki, Neymar 2017-ci il yay transfer dönəmində 222 milyon avroya “Barselona”dan PSJ-yə keçib.